ملتان: پاکستان اور ویسٹ انڈیز کے درمیان دوسرے ٹیسٹ میں نعمان علی نے اپنی باولنگ سے سب کو خوب پریشان کیا ساتھ ہی اہم ریکارڈ بھی بنا دیا۔ ملتان ٹیسٹ میں اسپنر نعمان علی نے اننگز شروع ہوتے ہی ویسٹ انڈیز کے بیٹرز کو قابو کرلیا اور لگاتار 3 وکٹیں حاصل کرکے ہیٹ ٹرک کرلی جس کے بعد وہ پاکستان کی جانب سے ٹیسٹ میں ہیٹ ٹرک کرنے والے پہلے اسپنر بن گئے ہیں۔ویسٹ انڈیز کے خلاف 12 ویں اوور کی پہلی، دوسری اور تیسری گیند پر نعمان علی نے یہ اعزاز اپنے نام کیا۔اس کے علاوہ نعمان علی نے ایک بار پھر 5 وکٹیں بھی لے لی ہیں ۔یاد رہے کہ ٹیسٹ کرکٹ میں پاکستان کی جانب سے ہیٹ ٹرک کرنے والوں میں وسیم اکرم، عبد الرزاق، محمد سمیع اور نسیم شاہ شامل تھے جس میں اب اسپنر نعمان علی بھی شامل ہوگئے ہیں ۔
