ریاض: سعودی ولی عہد شہزادہ محمد بن سلمان نے بین الاقوامی برادری پر زور دیا ہے کہ وہ ایران کی سالمیت کے احترام کے لیے اسرائیل کو پابند کرے۔
سعودی عرب میں مشترکہ عرب اسلامی سربراہی اجلاس سے خطاب میں سعودی ولی عہد نے کہا کہ سعودی عرب فلسطینی علاقوں سمیت لبنان اور ایران پر اسرائیلی حملوں کی شدید الفاظ میں مذمت کرتا ہے ۔ خودمختار فلسطینی ریاست کے قیام کی حمایت کرتے ہیں۔
محمد بن سلمان نے کہا کہ لبنان پر جاری اسرائیلی حملے نے لبنان کی خودمختاری اور سالمیت کو خطرے میں ڈالاہے جو قبول نہیں ۔ اسرائیل کی مسجد اقصٰی کے تقدس کی پامالی اور بےحرمتی بھی قبول نہیں یہ واقعات شدید قابل مذمت ہیں ۔ عالمی برادری اسرائیل کو جنگ بندی پر مجبور کرے۔
سعودی عرب میں ہونے والے اجلاس میں وزیراعظم شہباز شریف سمیت دیگر سربراہان مملکت اور او آئی سی کے نمائندے بھی شریک ہوئے ۔ فلسطینی صدر محمود عباس نے عرب اسلامی سربراہی اجلاس سے خطاب میں کہا کہ اسرائیل کی جانب سے فلسطین میں اقوام متحدہ کے امدادی ادارے پر پابندی کے ہولناک نتائج سامنے آسکتےہیں ۔
