لندن(مانیٹرنگ ڈیسک ) برطانیہ میں فرسٹ کزنز کی شادی پر پابندی کا مجوزہ بل آج دارالعوام میں پیش کر دیاگیا ہے ۔ برطانوی نشریاتی ادارے کی رپورٹ کے مطابق مجوزہ بل اگر منظور ہوا تو برطانیہ میں فرسٹ کزنز کے درمیان شادی پرپاپندی عائد ہوگی ۔ طبی ماہرین کے مطابق دنیا بھر میں کزن میرجز کی وجہ سے جنیاتی بیماریاں بڑھ رہی ہیں ۔ جینیاتی خرابی (جینومک ڈس آرڈر) جین کی میوٹیشن کی وجہ سے ہو تی ہیں ۔
طبی ماہرین کا ماننا ہےکہ کزن میرجزکے نتیجے میں بچے کی پیدائش کے بعد فوری اموات، بے اولادی، پری ٹرم ڈیلیوری، تھیلیسیمیا، مرگی، گونگا پن، بہرہ پن، بائی پولر ڈس آرڈر سمیت کئی بیماریوں کے پھیلنے کا خطرہ بڑھ جاتا ہے ۔
