نیواورلینز ( مانیٹرنگ ڈیسک ) امریکی شہر نیواورلینز میں کارسوار نے گاڑی ہجوم پر چڑھادی جس کے نتیجے میں 10 افراد ہلاک اور 30 زخمی ہوگئے۔پولیس کے مطابق نیواورلینز کی بربن اسٹریٹ میں یہ واقعہ پیش آیا ہے ۔ تیزی رفتار گاڑی کا ٹارگٹ ہجوم تھا۔ اس حوالے سے عینی شاہدین نے بتایا ہے کہ کار سوار نے گاڑی ہجوم پر چڑھانے کے بعد گاڑی سے اتر کر فائرنگ بھی کی جس کے نتیجے میں 2 پولیس اہلکار زخمی ہوئے۔
یہ واقعہ دہشت گردی کا تھا۔ امریکی میڈیا کے مطابق پولیس کی جوابی فائرنگ میں کا سوار ہلاک ہوگیا۔ جس مقام پر یہ حادثہ پیش آیا وہاں لوگ سال نو کا جشن منانے کے لیے جمع تھے۔سوشل میڈیا پر گردش کرنے والی ویڈیوز میں حادثے کے مقام پر زخمی اور ہلاک افراد کو دیکھا جاسکتا ہے جبکہ ایک ویڈیو میں پولیس کو گاڑی پر فائرنگ کرتے ہوئے بھی دیکھا جاسکتا ہے۔پولیس کے مطابق حملہ آور کی نشاندہی کی جارہی ہے ۔
