واشنگٹن ( مانیٹرنگ ڈیسک ) ڈونلڈ ٹرمپ نے امریکہ کے 47 ویں صدر کی حیثیت سے حلف اٹھالیا۔ ڈونلڈ ٹرمپ کی حلف برداری کے وقت ان کی اہلیہ میلانیا ٹرمپ ان کے پہلو میں کھڑی تھیں جب کہ رخصت ہونے والے صدر جوبائیڈن اور نائب صدر کاملہ ہیرس بھی سٹیج پر موجود تھے۔ نئے امریکی صدر نے ملک اور قوم کو دنیا بھر میں عظیم بنانے کا اعلان کرتے ہوئے حکومتی پالیسز جاری کردیں۔ حلف اٹھانے کے بعد اپنے خطاب کے آغاز میں انہوں نے کہا کہ آج سے امریکا کا نیا اور سنہرا دور شروع ہورہا ہے، ہم دنیا بھر میں امریکا کو نیا مقام اور عزت دلوائیں گے۔
انہوں نے کہا کہ کرپٹ اسٹیبلشمنٹ سے ملک کو چھٹکارا دلوانا، عوام کے مسائل کو حل کرنا ترجیحات ہیں۔ لانس اینجلس کی آتشزدگی اور وہاں کے بے داخل شہریوں کی بھی مدد کی جائے گی۔غیر قانونی تارکین وطن کو ملک سے نکالنے کا اعلان کرتے ہوئے ٹرمپ نے کہا کہ آج سے آپ کو تیز ترین تبدیلیاں نظر آئیں گی،۔ اب یہاں غیر ملکی تارکین جو غیر قانونی آباد ہیں کوئی جگہ نہیں ان کو واپس جانا ہوگا ورنہ ہم نکال دیں گے ۔ ملک کو ہتھیاروں سے پاک کریں گے اور دنیا بھر سے تعلقات کو بہتر کریں گے۔ آج سے امریکا کے نیچے جانے کا وقت ختم ہوگیا ہے۔
