اسلام آباد (سٹاف رپورٹر)عمران خان اور بشریٰ بی بی کے خلاف 190 ملین پاؤنڈز ریفرنس پر فیصلہ ایک مرتبہ پھرلٹک گیا ہے ۔ جی ایچ کیو حملہ، سانحہ 9 مئی سمیت 13 کیسز پر سماعت 8 جنوری تک ملتوی ہو گئی ۔ احتساب عدالت نے آج فیصلے کی تاریخ مقررکر رکھی تھی تاہم جج ناصر جاوید رانارخصت پر چلے گئے ۔
عدالتی عملے نے بانی پی ٹی آئی کے وکیل خالد یوسف چوہدری کوآگاہ کردیا ۔ کیس کی سماعت اڈیالہ جیل کے بجائے نیب کورٹ جی الیون میں ہوئی۔ فیصلہ سنانے کے لیےعدالت میں ملزمان کی حاضری ضروری ہوتی ہے تاہم عمران خان کےجیل میں ہونے کی وجہ سے جی الیون سماعت میں ملزمان کی حاضری ممکن نہیں ہو سکی۔جی ایچ کیو حملہ اور سانحہ 9 مئی سمیت 13 کیسزکی سماعت بھی 8 جنوری تک ملتوی کر دی گئی۔
