اسلام آباد : امریکی صدر جو بائیڈن نے امریکی جیل میں قیدڈاکٹر عافیہ کی رحم کی اپیل مسترد کر دی ۔ امریکا نے پاکستان سے قیدیوں کی رہائی سے بھی انکار کیا ہے اور باضابطہ طور پر آگاہ کر دیا ہےجس کے بعد فوری طور پر عافیہ صدیقی کی رہائی کی امیدیں دم توڑ گئیں ۔ اس پیش رفت سے اسلام آباد ہائیکورٹ کو بھی آگاہ کر دیاگیا ہے ۔
ڈاکٹر عافیہ صدیقی کی امریکی جیل سے رہائی اور وطن واپسی کی درخواست پر سماعت اسلام آباد ہائیکورٹ کے جسٹس سردار اعجاز اسحاق خان نے کی جس دوران ڈاکٹر فوزیہ صدیقی اور ان کے امریکی وکیل کلائیو اسمتھ ویڈیو لنک کے ذریعے عدالت میں پیش ہوئے جبکہ وکیل درخواست گزار عمران شفیق اور ایڈیشنل اٹارنی جنرل بھی عدالت میں پیش ہوئے۔جسٹس سردار اعجاز اسحاق کے ریمارکس دیے کہ امریکا ہمیں ہماری اوقات دکھا رہا ہے، سابق امریکی صدر نے اپنے بیٹے کی سزا تو معاف کر دی لیکن ہمارے قیدی کو رہا نہیں کیا۔
