اسلام آباد( سٹاف رپورٹر ) وزیراعظم شہباز شریف سعودی عرب کا دو روزہ دورہ مکمل کرنے کے بعد اسلام آباد واپس پہنچ گئے اور ایف بی آر کے اجلاس کی صدارت کی ۔ ترجمان دفتر خارجہ نے ہفتہ وار بریفنگ میں بتایا کہ وزیرِ اعظم نے اپنے دورہ سعودی عرب کے دوران ریاض میں منعقدہ ون واٹر سربراہی اجلاس میں شرکت کی اور دنیا کو مستقبل میں پانی کی قلت سے بچانے کیلئے چھ نکاتی ایجنڈا تجویز کیا اور پاکستان جیسے ترقی پذیر ممالک کی ماحولیاتی تبدیلی کے خطرات کی وجہ سے مشکلات و چیلینجز پر بھی روشنی ڈالی۔
وزیرِ اعظم کی ریاض میں سعودی عرب کے ولی عہد و وزیرِ اعظم شہزادہ محمد بن سلمان آل سعود سے بھی ملاقات ہوئی جس میں دونوں رہنماؤں نے پاک سعودیہ تعلقات کے مزید فروغ اور ان میں بڑی تبدیلی لانے کے مشترکہ عزم کا اعادہ کیا۔
