کابل :طالبان کے سینیئر رہنما شیر محمد عباس ستانکزئی نے اپنی قیادت کو لڑکیوں کی تعلیم پر پابندی ہٹانے کی اپیل کر دی ۔ شیر محمد عباس ستانکزئی نے کہا خواتین اور لڑکیوں کی تعلیم پر پابندی جاری رکھنے کی کوئی وجہ نہیں۔ لڑکیوں پر تعلیم کی پابندی کو واپس لینا ہوگا۔ تعلیم پر پابندی پر نظر ثانی کریں اس کی کوئی مذہبی بنیاد بھی نہیں۔ شیر محمد عباس ستانکزئی نے اپنی تقریر سوشل میڈیا پر بھی پوسٹ کی جس میں کہا گیا کہ ہم 40 ملین کی آبادی میں سے 20 ملین لوگوں کے ساتھ ناانصافی کر رہے ہیں جو سب کو نظر آرہی ہے۔ انہیں بظاہر بنیادی حقوق سے محروم کیا جارہا ہے ۔ یہ اسلامی قانون نہیں ہے بلکہ ہماری ذاتی پسند یا فطرت ہے۔
