کراچی ( سٹاف رپورٹر ) پاکستان سافٹ ویئرہاؤسز ایسوسی ایشنز نے اعلان کیا ہے کہ ملک بھر میں انٹرنیٹ اسپیڈ کا مسئلہ ممکنہ طور پر تین ماہ کے اندر حل ہو جائے گا۔ فائر وال کیوجہ سے انٹرنیٹ کی سپیڈ جیسے مسائل پر بات چیت جاری ہے ۔ سافٹ ویئر ہاؤسز ایسوسی ایشن کے چیئرمین سجاد مصطفیٰ سید نے کہا ہے کہ اگر واٹس ایپ پر کوئی میسیج بھیجا جاتا ہے لیکن تصویر نہیں ارسال ہوتی تو یہ ممکن ہے کہ نگرانی جاری ہو۔
پاکستان کے مختلف شہروں میں صارفین کو انٹرنیٹ میں وقفے وقفے سے رکاوٹ اور سست رفتار کا سامنا کرنا پڑرہا ہے جس کے نتیجے میں براؤزنگ کے ساتھ ساتھ میڈیا کو ڈاؤن لوڈ اور شیئر کرنے میں مشکلات کا سامنا ہے۔ وائی فائی اور موبائل ڈیٹا سروسز دونوں ہی شدید سست روی کا شکار ہیں جس کی وجہ سے صارفین کے لیے واٹس ایپ جیسے مقبول پلیٹ فارمز پر بھی تصاویر، ویڈیوز اور وائس نوٹ جیسی میڈیا فائلیں بھیجنا مشکل ہو رہا ہے
